Балтачтагы үзәк хастаханәдә эшләүче гомуми практика табибларының шәфкать туташлары
Участок табиблары турында район газетасыннан укый аласыз
Гомуми практика табибларына һәм шәфкать туташларына гаять тә зур җаваплылык йөкләнгән, эшләре дә бик күп. Һәрберсе үзләренә билгеләнгән участокларда яшәүчеләргә хезмәт күрсәтә, һәр пациент иң беренче эш итеп аларга мөрәҗәгать итә. Дөрес диагноз кую, кешене сәламәтләндерүгә омтылу — төп бурычларыннан булса, моңа әле кәгазь эше дә өстәлә, — отчет бирүне берәү дә чикләмәде, алар дәвам итә. Моннан тыш, урын өстендә ятучы авыручылар янына рейдларга йөриләр, хәрби комиссариатта үзләренә тапшырылган вазыйфаларны үтиләр, медицина күзәтүе, диспансеризацияләрне дә күп очракта хезмәт урыннарына барып үткәрәләр. «Мин үземнең участок табибымны белмим дә», дип әйтүчеләр юктыр арабызда, чөнки гомуми практика табиблары (ВОП) һичьюгы диспансеризациягә, прививкага дип булса да үзенең участогындагы кешесен эзләп таба. Шулай да участок табибларын һәм аларның шәфкать туташларын газета аша да белеп тору зыянга булмас. Участок табиблары белән «Хезмәт» газетасының дүртенче санын кулыгызга алып иркенләп таныша аласыз.